ISRO-i Satellites 31 yoktsü

June 21, 2017 (Agencies): Hokolbarnü India-i Earth observation satellite Cartosat-2 series aser co-passenger satellites 30 (29 bendanger indang aser 1 India nunger indang) rocket Polar Satellite Launch Vehicle (PSLV) ajanga yoktsü. Cartosat-2 ya kg 712 lir, ta Mongolbarnü Indian space agency ajanga metetdaktsü.
Indian Space Research Organisation (ISRO) ajanga ashiba agi, PSLV rocket’s XL variant ya hokolbar anepdang 9:29 ako nung Sriharikota rocket port nungi yoktsü. Satellite 30 ya senteper seret 243 asütsü aser Cartosat dena satellite 31 prongla senteperbo seret 955 asütsü, ta ISRO-isa metetdaktsü.
Iba rocket ajanga satellite tem 505 km polar sun synchronous orbit (SSO)-i kakettsütsü.
Co-passenger satellites tem rongnung linük 14 nungi nano satellites 29 dena lir. Linüktem rongnung Austria, Belgium, Britain, Chile, Czech Republic, Finland, France, Germany, Italy, Japan, Latvia, Lithuania, Slovakia, US aser India nunger nano satellite ka densema lir.
International customer nano-satellites 29 yokba ya ISRO’s commercial arm, Antrix Corporation Ltd aser international customers tsüngda commercial arrangement nung shilem ka lir.