Hyderabad City Wi-Fi Project kübok Hotspots 1,000 amenokogo

June 21, 2017 (Agencies): Telangana sorkari telecom service provider tem den longjemer Hyderabad City Wi-Fi Project amenokogo. Iba project dang ya ‘Hy-Fi’ taa ajar aser iba ajanga minute 30 atema bandwidth 5-10 Mbps nung nüburtem nem Wi-Fi angati agütsütsü.
Principal Secretary, Information Technology, Jayesh Ranjan-i osangbenertem dang ashiba agi, ano ita ana tsüngda nung hotspot 2,000 amenoktsü aser iba ajanga business inyakertem, shopkeeper, entrepreneurs, kaketshirtem, tetsürtem, aser raliwalirtem ajangzüktsü.
Iba project nung sen crore 300 shi indokogo aser iba nung service operators aser infrastructure agütsürtem rongnung Airtel, ACT Fibrenet, aser BSNL nunger den longjemer inyaker.
Telecom services agütsürtem, mobile aser internet company tem indang lokti tematiba, Cellular Operators Association of India iba project nung state sorkar technical adviser lir.
Iba project ya ‘Digital Telangana’ sentong kübok 2015 küm tenzüka liasü aser iba mapang nung mall, tourist spot, public office, police station, government school aser college tem nung wi-fi hotspots 100 shi amenoka liasü.
Taoba küm ana tsüngda nung iba project yagi tesem 250 shi nung amenoka liasü aser sorkari tang iba project kübok yimti ajunga nung tesem 3000 dak tali nung hotspot amenoktsü asoshi lemtetogo. Parnoki maneni Internet Service Providers (ISPs) tem dang iba maparen takok ngua aotsü atema tetuyuba ka agütsüogo.
Greater Hyderabad Mayor Bonthu Rammohan, shibai iba sentong lapokja liasü pai ashiba agi, ‘Hy-Fi’ sentong ya tatashitsü ka akümtsü aser iba ajanga Hyderabad yimti digital tsütsü tali sendaktepa akümtsü.
COAI Director General Rajan S. Mathews-i ashiba agi, Hy-Fi project takok ngua amenokba ajanga Hyderabad aser Telangana na linük asoshi tatishitsü ka akümtsü. Project partner tem rongnung Indus Towers-i ‘infrastructure’ agütsütsü aser service provider, Act Fibrenet, Airtel, aser BSNL nungeri ‘connectivity’ agütsütsü.
Bengaluru nung amenoker aliba ‘Atria Convergence Technologies’-i tatembang buba mile tazüng aliba süngtsütsü asoshi aniokogo.
“Digital economy tsütsü nüburtem renloka aoba mapang ka nung Telangana sorkar den onok longjemer inyakba ajanga Hyderabad nung internet connectivity tali tajungba akümtsü,” ta Fibernet, CEOA-AACT, Bala Malladi-i ashi.