State nunga 3buba International Day of Yoga mungogo

Kohima, June 21 (TYO): Tanü Nagaland nunga 3rd International Yoga Day anogomung “Yoga for Harmony and Peace” omen nung ajemdaker mungogo.
Iba anogomung tongti sentongji Youth Resources & Sports-i ayongzüka Indira Gandhi Stadium Kohima nung amung, aser iba sentong nung arishi küm 86 tain Nagaland Angh, P B Acharya-i anir nisung noklang aikati yoga ia liasü.
Iba sentong nung shilem agirtem rongnung National Service Scheme, National Cadet Corps, Assam Rifles, Nehru Yuva Kendra Sangathan, Bharat Scouts & Guides, National Ayush Mission Nagaland, Patanjali Yog Samiti, Kohima, Indira Gandhi Academy, Kohima aser sorkar ketdangsertem dena liasü.
Tesüsa menüba exercise agia iba sentong tembanga liasü.