Kashmir nung Hizbul telungpur ana khaset

Srinagar, June 21 (Agencies): Tanü Kashmir, Baramulla district nung security sepaitemi Hizbul Mujahideen telungpur ana khaset, ta police-i metetdaktsü.
Telungpur anaji Indergam Pattan nung alir, Basit Ahmad Mir aser Brat Sopore nung alir Gulzar Ahmad na lir ta jangjaogo, ta parnokisa ashi.
Iba tesem nungji telungpur aliba osang lazükba sülen sepaitemi yasüng iba tesem longbang aser tanep telok ana tsüngda khatepdang telungpur anaji khaset, ta police ketdangser kati ashi.
Iba tesem nungjagi AK rifle ana, AK magazine 5, AK injang 124, grenade ka aser yangkhu ka angu, ta paisa shisem.