WB sorkari ayongba senden nung Party temi madentsü bangjem

New Delhi, June 21 (Agencies): Bodhbarnü tashi nunga Darjeeling nung Internet services melapoktsü, aser GJM-i maneni mapang telatet ka makai mokdanga lir.
Pharmacy dak alaka dokan, hotel aser restaurants ajak shibanga liasü.
Mongolbarnü Gorkha Janmukti Morcha (GJM)-i ayonyba party ajak senden nung, security sepaitem magien tashi maneni mokdangtsü bangjema liasü.
Tanüa Morcha züngsemtemi tenemlen aliba district tesem balala aika nung state jenjang meshia longkak aitogo.
Tanü agi anogo pezünübuba Internet services shibangtsüba aija GJM aser tanga party temi, sorkari nüburtem osangtsüsang lemsatepba temeten agiener, ta aitsü.
State tensa indang lemteptsü atema West Bengal sorkari June 22, 2017 party ajak senden ka ayongzüka lir, ajisüaka hills districts nung part tem den Congress aser Left party-i iba senden nung shilem magitsü lemtetogo.
“Chief Minister, Mamata Banerjee tang state nung mali, anungji iba senden ayongbaji tetezü mali,” ta parnoki ashi.
Tanü Morcha pusemertemi Banga Bhawan, New Delhi aser Darjeeling naprongla nung longkak aita liasü.