Kiralongrartemi Delhi amaktsü akok

New Delhi, June 21 (Agencies): Intelligence Bureau ketdangsertemi kiralongrar 6-7 shi ka linük yimtiba nung kiralongra mapa inyaktsü atema aruogo ta sangoktsüba sülen Bodbarnü Delhi nung kümdangtsü osang sangdongogo.
Tanü 3 buba International Yoga Day amungba atema yimti nung security akangshia liasü.
Taküm May ita Laskar-e-Taiba (LeT) kiralongrar 20-21 shi ka linük nung tesemtem amaktsü aita lir ta osang angazükba sülen Delhi Police-i kümdangtsü osang sangdonga liasü.
Delhi Police Special Cell-i tanü district, metro police aser railway police unit ajak dang shishilembadak, tamangba dak sendakba tesemtem, malls aser metro & railway stations ajak nung security akangshitsü indang osang sangoktsü.
Kiralongrar telokji Delhi, Mumbai, Rajasthan mesüra Punjab nung anenzüka alitsü akok ta police-isa temulung melemi bilemba osang ka metetdaktsü.
Lendong ataloktsü akok ta ajitetba tesemtem nung PCR vans mapa lemzüktsüogo aser item van gari nung National Security Guard-i training agütsüba drivers aser commandos lir.