Wokha nung COPTA indang sentong agiogo

Wokha, June 22 (TYO): National Tobacco Control Programme kübok moko ajanga nisung ka temang nung timtem agütsüba aser ozüng amshir atema COTPA 2003 mapa küma inyaka aotsü nükjidong nung June 22, 2017 nü sentong ka SP Office Conference hall, Wokha nung agi.
Iba sentong nung Dr. Jonsuthung Kithan tongti tesemdanger asü.
Moko ajanga nisung ka temang nung timtem agütsüba onük nung jembidang, moko achiba aser amshiba tajemba kümdaktsüra moko ajanga adokdaktsüba tashidak ajunga koktettsü, ta tongti tesemdangeri ashi aser moko machitsü asoshi ajungshi.
“Harmful effects of Tobacco” onük nung jembidang, asenok ajunga lungjemer nokdakba ajanga dang moko achiba ajemtsü, ta Dr. Meribeni Odyuo, DHO, NTCP, Wokha-i ashi. Moko anema raraba tongbang ya talang aser tasak asütsü, saka iba tongbang ya akoktsüla, ta laisa shisem.
“Enforcement of COTPA 2003” sentong ya Wokha Police Station indang O/C, Chopathung Ngullie-i sentepa alirtem dang rasa-a ashi. Iba sentong lenir Psychologist, NTCO, Wokha, Dr. Abeni R. Kikon liasü aser tepela o Addl. SP, Wokha, Tokavi Achumi-i jembi.