Dimapur Press Club-i renewal form atema sangdonger

Dimapur, June 22 (TYO): Dimapur Press Club (DPC) nung züngsema alir atema ‘renewal form’ June 26, 2017 nungi tenzüka agütsütsü, anungji Identity Card atema züngsem ajungai iba renewal form ya July 17, 2017 anogo tashi nung DPC ketdangpur nem agütsütsü metetdaktsür, ta tanü DPC sangdong ka nung metetdaktsü.
Iba anogo sülen aruba form bo kata magizük, ta kasa sangdong ajanga ashi.
Iba den külemi July 17, 2017 anüngdang 12:00 ako nungi tenzüka Press Point Supermarket Dimapur nung DPC lokti senden ka amentsü, anungji züngsem ajunga iba senden nung medema arua adentsü asoshi Dimapur Press Club ketdangpur temi kasa sangdong ajangasa mepishia metetdaktsü.