DDADU-i ambulance service tenzüker

Dimapur, June 22, 2017: Brihostibarnü Dimapur nung Dimapur District Autorickshaw Drivers Union (DDADU)-i parnok indang office nung Ambulance vehicle tenzüktsüba sentong nung Economics & Statistics Parliamentary Secretary, Tovihoto Ayemi, District Transport Officer, Lovikali Yeptho aser DDADU ketdangsertem tangokba noksa nung angur.

Dimapur, June 22 (TYO) : Tanü Brehostibar nü yangi Dimapur nung Dimapur District Autorickshaw Drivers’ Union (DDADU) meyong ambulance service ka Parliamentary secretary for Economics& Statistics, Tovihoto Ayemi-i tenzüktsüogo.
Wb.Tovihotoi iba mapa ya tenzükja jembidang, DADDU ajanga nübortem asoshi mapa tajung tenzükba asoshi tenüngsang agütsü aser state sorkari transportation system tajungba kati memelen tashibo nübortem senzüsenpongtsü asoshi autorickshaw ya-ang tongtibang asütsü, anungji nübortem gari lendong nungi kümzüka anir jajatsübaji teti temulung nung yur senzütsüla, ta metetdaktsü.
Iba sentong nung DTO, Lovikali Yeptho-ia DDADU teloki nübortem asoshi teyari angutsüsa ambulance service tenzükba asoshi pelaba metetdaktsü.
Iba ambulance service ya jenjang dalang agi auto drivers aser kinungertem dang masü saka nübortem asoshia angutsü ta DDADU-i metetdaktsü.

DDADU-i ambulance service tenzüker added by nungsang on June 22, 2017
View all posts by nungsang →