NSCN-IM teloki Nagaland merenlokdaktsüner: ACAUT

Dimapur, June 22 (TYO): NSCN-IM teloki Dimapur aser Kohima na tsüngda 4 lane lenmang yanglur contractor tem dang tax magütsüra parnok meyong machineries ajak rongdoktsütsü ta amokmerenogo ta sangdongba osangji anogo asem nü tsüngda NSCN-IM teloki mejangjatsüra parnoki Nagaland nung terenlok mapa meinyakdaktsüner asütsü ta ACAUT teloki June 18, 2017 nü metetdakja liasü.
Ajisüaka, NSCN-IM teloki nübortemi metetnüba ama mejangjatsü nungji, parnoki Nagaland nung alirtem nem terenlok ajanga bener aruba temoatsü magidaktsüner asütsü ta ACAUT teloki tanü sangdong ka ajanga metetdaktsüogo.
Tang nungibo 4 lane lenmang yanglurtem nem lenmang meyanglutettsüsa timtem agütsüra, ibajibo Naga nunger ajak anema inyakba mapa ka asütsü ta ACAUT telokisa metetdaktsü.
Ano, contractor-temia mapaji oset shitak amshia shitak inyaktsüla ta ACAUT telokisa metetdaktsü.