Ram Nath Kovind-i Tir election atema tenüng agütsüogo

New Delhi, June 23 (Agencies): BJP-i aniba NDA-i shimba candidate, Ram Nath Kovind-i tanü Tir election atema tenüng agütsüogo; pa Parliament House-i aodang Ato kilonser, Narendra Modi-i pa meina liasü.
Kovind densa BJP lenirtem, NDA-i yimsüsüba state kar nungi Chief Minister tema liasü.
Kovind ya taoba Bihar Angh lir. Linük Tir election July 17, 2017 nü agitsü aser Kovind-i Congress-i aniba opposition party tem candidate, Meira Kumar den tokteptsü.
July 20 nü vote zünga election osang sangdongtsü.
Shiv Sena, Janata Dal (U) aser AIADMK party temia Kovind pusemtsü, aser electoral college nung vote shilem 63.1 pai angutsüsa jenjang ka nung lir.
Kovind-i vote shilem 48.9 shi BJP-i aniba NDA nungi angutsü aser NDA nung madenba regional party temia pa yariba ajanga vote shilem 63 dak tema angutsü imlar.
Yashi BJP lenir, Prabhat Jha-i, “Opposition-i Meira Kumar tenüng benoker, kechiyong parnoki parnok sendoker ama bilemer. Vote shilem 60 dak tema NDA-i shimba candidate, Kovind-i angutsü ta asadangtetogo. Iba election nung parnoki (opposition) tokteptsü lemtetogo, ajisüaka parnoki tamakok angutsü,” ta metetdakja liasü.