Gangtok, Aizawl, Pasighat Smart Cities nung züngoksemogo

Gangtok June 23 (Agencies): Smart city plan kübok yimti tasen 30 shimba nung Pasighat, Aizawl aser Gangtok yimtitema züngoksemogo.
Sorkari yimtitem list ya Hokolbarnü sangdonga liasü aser item rongnungi yimti 30 shimtet. Tang shimba yimtitem ajanga Smart City Mission kübok yimti ajak agi 90 kümogo.
Tanü sangdongba yimtitem rongnung Kerala yimtiba, Thiruvanathapuram temaba jenjang nung liasü aser Chhattisgarh yimtiba (tasenba) Naya Raipur tanabuba jenjang nung liasü.
Uttarakhand yimtiba, Dehradun-a taküm bo iba list nung züngsemogo.
Mumbai iba tetoktepba nung shilem magi. Shimtetba yimtitem tenüngtemji Union urban development minister M Venkaiah Naidu-i sangdong.
Centre sorkari yimti 40 bo sangdongtsü asoshi imlaa liasü saka Bengal aser Mumbai nati shilem magiba ajanga yimtitem tajemba aküm aser iba den külemi yimti kar municipal body-i asadangba mapang minimum qualifying mark mongutetba ajanga parnok züngtoktsüsa aküm.
Naidu-i ashiba agi, smart city 40 shimtsü atema yimti 45 toktepa liasü saka item rongnungi yimti 30 dang shimtet. Ajisüaka taküma Meghalaya yimtiba Shillong iba list nung mezüngok. Tanü sangdongba yimti 30 nung smart city sentongtem kübok sen crore 57,393 intoktsü.
Naidu-isa, smart city mission kübok tanüngba smart city 10 atema city 20 tokteptsü, ta metetdaktsü.