Dimapur nung Bharat Scouts & Guides nung Vice Presidents shim

June 23, 2017 nü DC’s conference Hall nung Bharat Scouts & Guides, Dimapur induction sentong nung Dimapur DC aser tangartem tangokba noksa nung angur.

Dimapur, June 23 (TYO): June 23, 2017 nü Dimapur DC’s conference Hall nung Bharat Scouts & Guides Dimapur District nung vice presidents shimba sentong agi, aser iba sentong ya Dimapur Deputy Commissioner aser Bharat Scouts & Guides Association Dimapur, President, Kesonyu Yhome leniba nung agi.
Tang tasen shimba vice presidents rongnung ADC, Dimapur, Sara Jamir, CEO, DMC, Dimapur, Moa Sangtam aser SDO (c) Zakabo Rotokha nunger densema lir.
Vice president asempronglai parnok nem iba akhüm agütsüba atema pelaba lemsatepba den külemi nüburtem tenzükba mapa nung akokba tashi yaria amalitepa inyaktsü, ta metetdaktsü.
Induction ceremony ya DOC (S), D. M Agay Joseph-i ketdangsüa agi, aser DOC (G), Kevileno Haikam-i Bharat Scouts &Guides indang nung ajemdaker onük tatsüka jembia liasü.