Liverpool-i Mohamed Salah alizükogo

Liverpool, June 23 (Agencies): Liverpool-i Brehostibarnü Egyptian winger Mohamed Salah AS Roma nungi alizükba maparen tembangogo. Osang ajanga ashiba pa euro million 39 (million $43.5) yong alizük.
Arishi küm 25 tain asayar yagi Liverpool den küm 5 atema contract ka yangluogo.
Salah taoba mapang nung Basel, Chelsea aser Fiorentina nungi asayaa liasü. Pa Roma nunga season ana tashi asayaogo aser iba mapang nung pai Serie A nung 65 ben asayaba nung goal 29 agütsü.
“Ni iba cluba nung densemba atema kanga pelar. Ni akokba tajungtiba agi club atema inyaktsü. Ni club atema langka bo sa kokner,” ta Salah-i ashi.
Salah ya Liverpool puri mapang talang ka nungi aginüa liasü, parnoki küm asem tejakdanga pa khen alitsü asoshi merangogo.