Lenküp (dandruff) anepaluyim tasa tasen kar

Beauty salon nung sen aika meindoki pei kidang lenküp (dandruff) anepalutsü atema tasa aika lir. Lenküp ajangasa tejak nung jaktzü dena timtem balala agütsür. Lenküp adokba küli rongnung teküp takong, anibelemba aser junga mechiyongba densema lir.
Lenküp anepalutsü atema tasa tasen kar:
* Narikol totzü aser Lemon tzü: Narikol totzü ajanga kou jungdaktsür aser chemical aketba mozü mamshiaka lemon tzü ajanga lenküp ajema kümdaktsür. Narikol totzü aser lemon tzü kasasa meyokteper meluba sülen mekongdangtsür tekolakküp nung nür massage asütsüla, iba sülen minute 20 shi lir shampoo amshia tekolak lokdoktsüla.
* Curd: Nü kou aser tekolakküp nung curd anütsüla, iba sülen ghonda ka lir shampoo agi tekolak lokdoktsüla.
* Baking Soda: Nü kou nung tzü tera mezüang, aser yamaji lia baking soda spoon ka nü kolak nung mezüang. Iba sülen minute 60-80 tsüngda kou lokdokang.
* Apple Cider Vinegar: Apple cider vinegar ajanga dandruff ajungba dang masü saka kou tsükba-a nokdanger. Apple cider vinegar aser tzü kasasa meyoktepeang, iba sülen kou lokdoker tai lia ibaji tekolakküp nung nür massage süang. Tesüsa minute 15 lir kou lokdonag.
* Neem: Neem nung anti-bacteria properties lir. Neem tou menüngsar kou nung nüang. Iba sülen minute 10 shi doktsür kou lokdokang.
Item tasa rongnung ka hopta nung asembenbosa inyaktsüla.
(Source – Internet)