Afghanistan nung tzü-nokdang ka Taliban teloki amak, police 10 asü

Heart, June 25 (Agencies): Afghanistan anülulen Heart province nung India-i teyari agüja yangluba Salma tzü-nokdang nung aliba check post ka nung Taliban telungpur temi Deobarnü amakba mapang police 10 tepset aser pezü yiru, ta iba tesem nung ketdangser ajanga ashi.
Telungpur temi Cheshit district nung aliba check post telungi aita prangbong aika bener ogo, ta iba province nung aliba police tanishir, Gelani Farhad-i osangbener dang ashi.
Iba lendong nung Taliban telungpur aser mitkar tsüngta raraba mapang telungpur pezü tepset, ta Farhad-i ashi
Iba lendong asoshi Taliban ajanga kicha shia mali.
2014 küm US ajanga Afghanistan nung Taliban telungpur den raraba anentsü sangdongba sülen Taliban teloki Afghanistan tanemi agiyonga odagi.