Russia-i ‘Telegram’ Messaging App nokdangtsü amokmeren

June 25, 2017 (Agencies): Russia communications regulator Roskomnadzor-i Hokolbarnü Russian legislation nung aibelenba atema Telegram messaging app aitsüogo aser parnoki Telegram achaayangba company indang osang tejangja magütsüra nokdangtsütsü, ta metetdaktsüogo.
Roskomnadzor nung tekolakba Alexander Zharov-i regulator indang website nung ashiba agi, Telegram puri osang tejangja agütsütsüba mapang tembangdar.
Telegram ngutetsang Pavel Durov-i ashiba agi, iba app ya linük kicha nunga nokdanga mali aser paisa ashiba agi iba app ya Russia nung nokdangra sorkar ketdangsertemi communications tanga linük messenger nem agütsütsüsa akümtsü.
“Telegram nokdangba sülen Russia nung ketdangsertem tongtepratepba, parnok medemer, kinunger aser tanga meim data WhatsApp/Viber ajanga belenbatem America-controlled clouds Apple iCloud/Google Drive-i achaayangtsü,” ta pai pa indang social media page nung zülutsü.