Temesepba mozü achiba ajanga Mizoram nung kibong timba ka dak kongshiogo:Minister

Aizwal, June 28 (Agencies): Mizoram nunger 25,000 shi-i ozüng alema temesepba mozü amshir aser item rongnung timba ka lanurtem lir, ta Health Minister Lal Thanzara-i metetdaktsü.
Paisa ashiba agi, item rongnung parnok 10,000 intravenous drug users (IDU) lir. “Mozü achir parnok 2,000 shi state ajunga nung rehabilitation centre 300 dak tali nung anepaludar,” ta paisa ashi.
“Mozü achiba yimya süpaba ajanga Mizoram nung kibong ajak amai nung kongshiogo. State, NGO aser Arogo temi iba anema meranga raratsüla,” ta pai maneni shisem.
Kasa mapang nung state Social Welfare Minister P C Lalthanliana-a ashiba agi, Mizoram Legislative Assembly-i Mizoram Drug (Controlled Substances) Act, 2016 ozüng yangluogo aser ‘High level Monitoring Committee on Substance Abuse’ dena kümteta lir.