Clean Election luden tentettsü sangdonger

Dimapur, June 28 (TYO): DUCCF aser GB union senteper lemtetba nung ajemdaker Dimapur Urban Council Chairman Federation (DUCCF)-i Dimapur municipal area kübok colony ajak dang colony clean election committee tenteta clean election campaign tenzüktsü aser colony sasep nung senden amentsü metetdaktsür, ta tanü DUCCF Information &Publicity Secy, Simon Kelio-i sangdong ka nung metetdaktsü.
Iba dak alia Chairman tem aser GBs dang July 15, 2017 matongdang clean election senden ayonga temzüngtem latettsü atema nenshia metetdaktsür, ta kasa sangdong nungsa shia lir.