Cabinet-i 7th Pay Commission allowances agizük

New Delhi, June 28 (Agencies): Bodbarnü Union Cabinet-i 7th Pay Commission atema allowances dak sendakba onüktem agizükogo.
Allowance agütsüba nung temelenshi 34 liasü aser itemji July 1, 2017 nungi tenzüka mapa akümtsü.
Tanü Cabinet-i tatembang telemtetba agiba ajanga, July itasen nungi central government mapa inyakertemi allowances angutsü imlar.
Lavasa panel-i allowances atema junger ta shidangba onüktem shisadanga reprangtsü atema Empowered Committee of Secretaries (E-CoS) nem agütsü aser parnoki Cabinet dangi temelaba meshitsü atema aben.
April 27, 2017 nü Finance Secretary, Ashok Lavasa-i aniba kanga danga temaba jenjang nung ludeni Finance Minister Arun Jaitley nem osang agütsü.
AK Mathur-i aniba 7th Pay Commission recommendation ji Empowered Committee of Secretaries-i mulunga agizüka liasü aser iba nung yimtitem sasep nung house rent allowance (HRA) ajema akümtsü densema lir.
7th Pay Commission-i Class X, Y aser Z yimtitem atema House Rent Allowance (HRA) ji Basic Pay nung 24%, 16% aser 8% agütsütsü atema shidanga liasü.