AdtU & Assam Don Bosco private university tajungtiba 50 rongnung züngoksema lir

Guwahati, June 29 (Agencies): 2000 sülen amenokba university tem rongnung temaba 50 jenjang nung Guwahati nung amenoker aliba university ana densema lir.
Nielsen company kübok 11 comprehensive parameters bushisüngdang ka nung Assam down town University jenjang 10buba aser Assam Don Bosco University jenjang 25buba nung, ta züngoksema lir.
Iba bushisüngdang ya India Today magazine nung adokja liasü.
AdtU Chancellor N N Dutta-i ashiba agi, “Iba university ya küm tenet tsüngda nung Northeast India nung tongtibang institution ka kümogo.”
Iba university nung engineering, management, nursing, allied health, pharmacy aser distance education shisaluyimba ren nung course 57 tashi agütsür aser NE, Nepal, Bhutan, Bangladesh aser Africa nungi kaketshir 5000 dak tema iba university nung züngdar, ta Dutta-i ashi.
Don Bosco University ya tekübok jenjang nung alirtem nem temaba jenjang nung kaketshitsü bushitsü asoshi maongka agütsütsüba dak rangloker bushisüngdang aser shisaluyimba nung takok anguba center ka ta züngshir, ta university website nung parnoki zülutsü.