Karnataka CM tenüng nung Twitter account lapoka amshiba atema nisung ka apu

July 1, 2017 (Agencies): IT firm ka nung software engineer kati Karnataka Chief Minister Siddaramaiah tenüng nung Twitter account taila ka yanglua amshiba atema puogo, ta hokolbarnü police-i metetdaktsü. Aibelena alisang tenüng ya Madhusudan ta jangjaogo, pai Siddaramaiah indang Twitter account taila ka lapoka Chief Minister office tenüng nung tweet asü, ta Cyber Crime Police sangdong ka ajanga metetdaktsü. Iba dak sendakba nung Siddaramaiah tenüng nung Twitter account taila ka lapoka osang prokshidar ta Chief Minister media advisor ajanga aibelena alisang anema Cyber Crime Police Station nung ken o ka benok.
Aija alisang ya Bengaluru nungi km 100 shi pilar aliba Mandya tesem nungi lir. “Chief Minister tenüng nung Twitter account taila ka tenzüka pa tenung nung osang prokshiba Madhusudan-i nangzükogo. Pai pa jenbotsü mechi nung post karbo indokogo,” ta osang ajanga metetdaktsü.