State nung matamabensar temeten atema sentong ka agi

Dimapur, July 01 (TYO): Lokti nung aiben sendoka yutsübapurtem dak rangloker Dimapur District Legal Services Authority (DDLSA) den Disabled People Organization, Dimapur (DPOD)-i July 01, 2017 nü Deputy Commissioner’s Conference Hall, Dimapur nung state nung matamabensartem temeten atema anogo tepiyong orientation sentong ka agiogo, ta sangdong ka ajanga metetdaktsü.
Iba sentong tenzüka Prodigals Home Director, Kr. K. Ela-i okila jembi aser Esther K. Aye-i Rights of Persons with Disabilities Act, 2016 kübok ozüngtem indang metetdaktsü.
Kasa sentong nung Kr. Limasenla Longkumer-ia tang tasen benokba Mental Healthcare Act, 2017 kübok ozüngtem indang metetdaktsü.
Iba sülen item ozüngtem mapa küma benshitsü atema shisalemsatepba sentong ka agi, kong Nagaland State Legal Services Authority nungi Legal Aid Counsels aser stakeholders temi shilem agia liasü.