Himato Zhimomi-i e-Archive tenzüktsü

Dimapur, July 1 (TYO): July 1, 2017 nü Commissioner & Secretary to Chief Minister, Government of Nagaland, Himato Zhimomi, IFS-i e-Archive sayatsüogo.
Iba sentong ya Chief Minister’s Residential Office, Kohima nung ayonga agi aser sentong nung o jembidang Himato-i software tajung purapitetba atema pelaba metetdaktsü.
“Asenoki Personal Computers dak alia mobile phone tem ajanga file tem lapoka amshitettsüla aser National jenjang nung Digital India Initiative tenzükba den liromedema, State sorkar department temia technology amshitsüla aser mapang tajung nung digitization asütsüla,” ta paisa ayongzük.
Nagaland Chief Minister indang Office ajanga ketdangsüa e-Archive mapatong ya Kohima nung amenoka aliba IT telok- Ramietech Solutions-i mapa inyaker.
Sentong nung Ramietech Solutions CEO, Kedosietuo Nagi-i o jembidang, e-Archive nung nisung kati file aika digital form nung yutettsü aser lendongtsüdong nungi file tem kümzüktsü, ta ashi.
Tanü-asüng amshiba SAN/DAS/NAS devices ajanga digitized files ji back up sütettsü. e-Archive ya Optical Character Recognition (OCR) technology amshia yangluba software ka lir aser iba software ajanga machine readable text kümdaktsüteter aser ano Search engine indexing technology ajanga file tem melamela bushiteter, ta Kedosietuo-isa metetdaktsü.