Ochimashi tai tonglokja aliba ketdangsertem osang agüjang: CIC

New Delhi, July 02 (Agencies): Central Information Commission (CIC)-i sorkar dang, department shia nung ochimashi tai tonglokja aliba ketdangsertem indang nüburtem nem metetdakjang, ta metetdaktsü.
CIC-i Department of Personnel and Training (DoPT) dang, ochimashi tai tonglokja aliba sorkar ketdangsertem osang (data) nüburtem nem metetdaktsütsüla, saka parnok tenüngjibo memetetdaktsütsüla, ta ashi.
“Tai tonglokja aliba ketdangsertem tenüngjibo memetetdaktsütsüla,” ta Information Commissioner, Yashovardhan Azad-i ashi.
Paisa, department, vigilance aser court nung ochimashi tai tonglokja aliba keno tem mesüra anendaka aliba ken o tem indang züngya osang (numeric data) metetdakjang, iba nungji sorkar mapa inyaker rank aser osangtem metetdakjang, ta ashi.
Commissioner-isa, department aser vigilance dak sendakba numeric data ji RTI Act, 2005 Arrla 4(1) kübok aiter, koba ajanga sorkar department temi parnoki inyakba osangtemji nüburtem nem metetdaktsütsüla, ta ashi.
“Item ama osang metetdaktsüba ajanga yimsüsüba tejangba akumtsü aser nübur tajungba tenzüktettsü,” ta paisa ashi.