Achal Kumar Jyoti-i Chief Election Commissioner inyaktsü

New Delhi, July 4 (Agencies): Mongulbarnü Election Commissioner Achal Kumar Jyoti taruba Chief Election Commissioner (CEC) inyaktsü atema shimogo. Pai Nasim Zaidi melenzüktsü.
Prime Minister Narendra Modi-i Gujurat nung chief minister inyakdang arishi küm 64 tain Nasim Jyoti ya chief secretary liasü.
July 6, 2017 nü Jyoti-i Chief Election Commissioner (CEC) mapa agizüktsü, ta law ministry sangdong ka nung metetdaktsü.
Tang teinyakdak CEC Zaidi-i Bodbarnü pa menden toktsütsü.
Jyoti ya 1975-batch Indian Administrative Service (IAS) ketdangser ka lir aser pai May 8, 2015 nü election commissioner inyaktsü tenzük. Pa indang kümsükji January 17, 2018 tashi lir.
January 2013 nung pai Gujarat chief secretary mapa nungi anisüngzüka liasü.
CEC mesüra EC ka indang kümsükji küm 6 mesüra arishi küm 65 tashi lir. Jyoti ji CEC 21 buba asütsü aser pai taoba mapang Gujarat vigilance commissioner inyakogo.
Paisa, 1999 aser 2004 tsüngda Kandla Port Trust nung mendenbuba aser Sardar Sarovar Narmada Nigam Ltd (SSNNL) managing director mapatem inyaka liasü.
Gujurat nungsa Jyoti-i industry, revenue aser water supply department tem nung secretary inyak.
Zaidi-i anenba sülen sorkari Election Commissioner ka kobi melii shimtsü imlar.
EC nung election commissioner tasembubaji Om Prakash Rawat lir.