Northeast India kaketshirtem atema Scholarship

July 4, 2017 (Agencies): Northeast India nungi senotsü agi anüngapongba kaketshirtem atema Helping Hands NGO-i achaayanga CSR initiative kübok scholarships agitettsü.
Helping Hands NGO-i Institution tajungtem aser MNC/ Company tem den longjemer scholarship agütsütsü asoshi sangdongogo. Northeast India nung sensakertem aser lajartem shirnok parnok tejangraba madaloki ali, parnok nem teyari agütsütsü asoshi iba sentong tenzük.
“Onoki kanga merangdangaka sensaker lanur aikati iba amala scholarship tem dak sendakba nung osangtem mangur aser iba ajanga aikati parnok dang social media balala ajak nung parnok nem maneni osang agütsütsü asoshi shia liasü,” ta Parnoki ashi.
Scholarship tem yamai alitsü:
1. ALS IAS Coaching Scholarships.
2. Vajiram & Ravi IAS Coaching Scholarships.
3. Elite IAS Coaching Scholarships.
4. Scholarships for Talented ( Cinema and TV ) NE Youth (BKT)
5. Late Mrinal Gogoi Merit Scholarships.
6. Scholarships for Charted Accountant. (SARC Associates).
7. Scholarships for North East female Commerce Students.
8. Scholarships for Charter Accountant Scholarships.
9. Scholarships for North East poor orphans/ martyred females
Item scholarship tem koda angutsü ta metetnera robinhibu@gmail.com mesera Helping Hands NGO tir dang 9810083486 nung whatsapp sütettsü, ta parnoki metetdaktsü.
Maneni scholarship dak sendakba nung osangtem parnok indang Facebook page; ‘Helping Hands Society’ follow asüba aser like asüba ajanga angutsü.