Ao Temulung Table Tennis Championship tembangogo

Mopungchuket, July 4 (TYO): July 3 & 4 anogo ananü ‘Ao Temulung Championship 2017’ ta sür Mokokchung district open table tennis asayamung ka yangi Mopungchuket Community Hall nung asayaa mungogo. Iba asayamung ya Mokokchung District Table Tennis Association den yaritepa Pongen Khel Sports Association (PKSA) Mopungchuket-i ayongzük.
Tanü iba asayamung tembanga senpet agütsüba sentong nung tetushi tesemdanger District Disaster Management Officer (DDMO) Mokokchung, Sp. T. Wangshi Jamiri jembidang, Table Tennis asaya ya Naga nunger atema tapet asaya ka lir, kechiyong iba asaya nung asoajen kecha menüngdaker, asenoki dang meranga asayarbo iba nung ngujem tulu lir, ta ashi.
Aiben asenoki saisapong balala ya anema alitsü mesüra mapang indoktsü atema dang asayar, aji saka, saisapong ya sen aatsü industry tulu ka kümogo, anungji, lanurtemi ibai pei taküm nung mapa ka ama meranga asayatsü asoshi paisa ajungshia liasü.
Asenoki dang junga asayatetra alima nung saisapongertemji takar akümba dang masü saka yangi konang nüngsang aazüktsü maongka tulu aser lenmang sadema lir, ta paisa lanurtem dang saisaponger tajung kaka akümtsü asoshi tayongzükba ka agütsü.
Taküm iba asayamung nung district balala nungi asayar 26-i shilem agia liasü. Asaya tapu balala nung takokertemji yamai liasü;
1. Ladies Single:
Winner: Dr. Amenla
Runner-up: Yangerla Tzüdir
2. Junior Boys Doubles:
Winner: Tzüwatoshi & Soyimmeren
Runner-up: Sashikümba & Watinüken
3. Junior Boys Single:
Winner: Tzüwatoshi
Runner-up: Watinüken
4. Men’s Doubles:
Winner: Talikaba & Ongshi
Runner-up: Wapangtoshi R Jamir & Medemmongba
5. Men’s Single:
Winner: Tzüwatoshi
Runner-up: Konangba