ALVA Education Foundation-i Engineering seat 10 agütsütsü

Dimapur, July 05 (TYO): Nagaland aser Arunachal Pradesh Angh, PB Acharya-i achaayanga inyakba kübok Mangalore kübok Moodbidri nung aliba Alva Education Foundation-i Nagaland aser Arunachal Pradesh nungi kaketshirtem nem Engineering menden 10 agütsütsü, ta tanü PRO to Governor-i sangdong ka nung metetdaktsü.
Mechanical Engineering menden pongu (5) ji küm shia sen 60,000 asütsü. Shitakba fee jibo küm shia sen 1,27,000 lir.
Iba course ajunga atema menden ka shia sen atokba (consession) ji sen 2,68,000 lir.
Ano Civil Engineering menden pongu (5) atema küm shia sen 60,000 agi agütsütsü; shitakba fees jibo küm shia sen 1,07,000 lir aser course ajunga atemaji concession ji sen 1,88,000 lir.
Kaketshir shirnoki class 12 (Science) tatidang nung marks 50% mesüra iba dak tema nguogo, iba denji külemi compulsory Physics aser Mathematics papers aser optional paper Chemistry, Biology mesüra Computer Science agir, parnoki Engineering seats atema tenüng agütsütsü temsüa lir.
Shimba kaketshirtem jagi küm shia hostel rent sen 21,000, küm shia maintenance charge sen 12,000 aser ita shia mess fees ita sen 2,500 agütsütsüla.
Tejangrar kaketshirtemi pai/lai züngnüba seat atema application den mark sheets copy ka, Indigenous Inhabitant of Nagaland Certificate aser contact number July 20, 2017 nü tashi nung Raj Bhavan, Kohima ket tongtsütsüla.
Application ji email ajanga secy.rajbhavannagaland@gmail.com dangi yoktsüa akok.
Osang tejangja atema office mapang nung contact number (0370)2245789 ajanga tongteprateptsüa akok.
Alva’s Education Foundation-isa class 12 tatidang nung marks 40% angur tejangrar kaketshirtem dang General Nursing (GNM) atema tenüng agütsütsü tamalen metetdakja liasü. GNM atema application agütsütsü tatembangbuba anogoji August 1, 2017 nü lir.