J&K assembly nung GST agizük

New Delhi, July 05 (Agencies): GST mapa küma inyaktsü atema state ajak nem June 30, 2017 tashi anogo züngzükja liasü saka Jammu & Kashmir kijai GST magizüki liasü.
Bodhbarnü Jammu & Kashmir assembly nung opposition party temi GST anema nokdakaka sorkar agizükogo.
Hombarnü Union Finance Minister, Arun Jaitley-i shidi ka ajanga Jammu & Kashmir Chief Minister, Mehbooba Mufti dang, ner state-i GST agizüka mapa küma meinyakta osettsüset nung jenjang kanga atutsü aser local industry jenjang majungtsü, ta tekümdangtsü o metetdaktsüba sülen anogo ana tsüngda J&K state assembly nunga GST agizükogo.
Iba onük nung yimtenren party tem tsüngda tangatetba balala bentetadoktsü atema state sorkarisa party ajak nungi consultative telok ka tentetogo.