Telungjemtem rongnung Telungjem – Ibri 10:24

Tamangertemi Tsüngrem mapa asoshi renemtsütsü aser Kibuba arudang renema atatsü renemdaktsütsü asoshi Temeim, Khristan temeimji paitoktsü makok. Ibri shiti züluri lokti taküm nung temeim indang jembir. Iba nung tajung tsütsü aser tamajung tsütsü lir. Tajung tsütsü, tamangertem mapa tajung asoshi ajungshir (t.24). Tamajung tsütsü parnok atsüngzüka aoba nungi noktangang (t.21-29).
Sayutsüngir 4:9-12 Tasen lai ochiba tatishitsü tajungtiba lir. ” Ka dang nungi ana tajungba, kechiaser parnoki inyakba asoshi taa tajung kar” Ibai tajung den sendakba lir- ” mapa tajung”. Sayutsüngiri maneni ashir, “kechiaser parnok alangra, kati ka medemerji mesotsü: saka kija alisang ayatai, kodang pa alangdir pa mosor shinga mali…lisü asem mesentepba bo yakta medokdanger” (sayu 4:10-12)
Tamatokba san o entepba ajaki meteta lir. Sanji koda sama? Pa san relok nungi balaka pilaa kija ao aser tsükchir ket nung mela mela tsük. An chanu tetsü den ali tashi kümzüka alir, saka kodang tesü nungi pilaa odir, mongzüi mela-mela ajeper aor. Tsüngrem chirtem külemi alitsü aser aintsüba ji Pai mulungba lir.
Ibri 10:29-31 nung atsünga aoba lendong indang shia lir. “ajangla shibai tetsüng kübok ajemshir, aser tezüngzükbaji koba zü agi pa meshitet…Taküm Tsüngrem ket nungi tsüktsü ya kanga tetsübutsü”. (ibri10:29-31) Iba sülen tekümdangtsü ashir (t.25). Tsüngremer nübur telungjem nung temulung lemteta shilem agiba aser aintsü ashibaji atsünga maotsu asoshi Tsüngremi tekümdangtsü agütsüba lir. adianu meimtepba temeden danga mali(1 peter 1:21) Iba tetezü telungjem nung adianu temeimtepji o agi masü mapa agi sayutsüla. Asenok sentepi aobaji Tsüngrem külemtsüba dang masü saka pa nübur dang temeim sayutsü atema aor. Yimya agi salemsütepa pelaa jembibaji teperi masü. Aria bilema aliba jempitepbaji mezüngbuba mera. Tekülem sentep temer ken tashi agi atemba jagi (music) tekülemer sensaksem nung timtem agütsür.
Oh, ni aniang, Kibuba, nemzüa alir aser mera tailen alir ni anitsü; oh, ni mesüang, Kibuba, ne chir yaa alir ni manna tanang agi mesütsü! ( Frances R.Havergal, 1836-1879).