Malala Yousafzai High School nung graduate asü; Twitter nung aden

London, July 8 (Agencies): Nobel Prize angur Malala Yousafzai-i tetsür shisaliok bushiba jenjang ajungkettsü atema kanga nendaka inyaker aser la Hokolbarnü Edgbaston High School, UK nungi graduate süogo.
Malala graduate asüba sülen Hokolbar nikongdang la Twitter nung denogo.
Twitter microblogging site nung Malala Yousafzai-i “Hi Twitter, tanü ya ni atema school anogo tatembangba lir aser Twitter nung mezüng anogo lir” ta zülu.
Malala-i Twitter nung adenba sülen ghonda 15 majungdang la sülen anidaker nisung 392K jungogo.
Malala ya Pakistan nung lir aser la school-i aoba atema Taliban-i la khasettsü merang. Ajisüaka, lai yashi school züngtemba ajanga lai kiralongra madak takok tulu ngutetogo.
“High School nung graduate asüba atema pelar saka ano külenbo temulung teipmatemer, kechiyong alima nung school mongudangba tetsür million aika lir” ta lai ashi.
“Taruba hopta ni Middle East, Africa & Latin America nung tetsürtem den ajuruteptsü atema #GirlPowerTrip tenzüktsü” ta Malala-isa metetdaktsü.
Malala-i twitter ajanga girl education mapatong tajungba nung inyaktsü ta metetdaktsüba atema Microsoft tenzüksang Bill Gates, Canada Prime Minister Justin Trudeau, US Senator Kamala Harris aser ano alima lennirtemi aikati la nem tenüngsang agütsüogo.