1 buba Kohima District Inter-School Football Tournament osang

Kohima, July 8 (TYO): Royal Club Kohima-i ayongzüba 1buba Kohima District Inter-School Football Tournament, Kohima local ground nung tanga tasayadak lir aser tanü asaya nung Rüzhükhrie Government HSS-i koka Pool ‘B’ final ongtetogo. Parnoki Mt.Hermon HSS goal 2-0 agi akok.
Asaya nung mezüngbuba goal minute 22buba nung Keviyabei-u-i agütsü aser iba sülen minute 58buba nung Menuoletuo-i tanabuba goal agüja parnoki iba asaya akok. Rüzhükhrie GHSS nungi Captain Rüzhükhrie nem minute 81 buba nung yellow card ka agüjaliasü.
Iba takok ajanga Rüzhükhrie Govt HSS pur Pool-B final nung July 11 nü Ministers’ Hill Baptist HSS den asayatsü asoshi maongka ngutetogo.
Hombarnü asaya yamai alitsü:
Pool-A Finals: Mt. Sinai HSS vs G.Rio School at 2:00 PM