Sudha-i tetsür Steeplechase nung Gold medal ngutetogo

Bhubaneswar, July 8 (Agencies): Honibarnü Asian Athletics Championships nung women’s 3,000 metre steeplechase nung Sudha Singh-i kanga junga asayateta gold medal ngutetogo.
Lai minute 59 ser second 47 nung iba asaya akok.
North Korea tsür Hyo Gyong-i tanabuba jenjang ngutet. Lai 10:13.94 agia iba jenjang ajangtet aser iba sülen tasembuba jenjang nung Japan tsür Nana Sato 10:18.11 nung alizüng tongteta bronze medal nguteta liasü.
Kasa asaya nung India tsür Parul Chaudhary pezübuba jenjang ngutet.
Sudha ya yaküm Rio Olympics sülen yiruba aser temang nung timtem aliba ajanga kangshia arur tang iba takok ngutetba atema pelaba lemsatepa liasü.
“Ni Olympic tembangba sülen ita pongu tashi masayai liasü. Ni training tenzükba sülena temang nung tashi maiba ajanga mangmanga sa liasü. Ni national camp nung December ita nungi shilem agi tenzük aser tanem tanemi tajungba aküm,”ta lai ashi.
“Asia nung temaba jenjang nung asemtepertem iba asayamong nung shilem magi anungji asemtepertem kü jenjang dang nungi tekübokba dang liasü,” ta lai osangbenertem dang ashi.
“Ni Olyimpic ana tashi nung shilem agiogo aser iba asayamong nung langkabo koknüa liasü. Ni international jenjang nung medal kokner. Kü nükjidongji Asian Championships nung junga asayatsü aser taruba ita World Championships nunga junga shilem agitsü asoshi lir,” ta laisa maneni shisem.