India nungi Ahmedabad yimti mezüngbuba World Heritage city kümogo

New Delhi, July 09 (Agencies): India nungi Ahmedabad yimti mezüngbuba World Heritage city kümogo aser iba dak sendakba nung tanü Ato kilonser, Narendra Modi-i Twitter ajanga, “Iba ya India atema tepelatsü osang ka lir,” ta metetdaktsü.
Poland, Krakow nung 41buba UNESCO’s world heritage committee senden nung iba osang ya sangdonga liasü.
UNESCO-i tang Ahmedabad yimti shimba ajanga iba yimti nung tourism ajungkettsü.
Walled city of Ahmedabad ya Sultan Ahmed Shah-i tenteta liasü, aser iba tesem tasazük ya square kilometer 5.43 nung lir. Yaküm Heritage cities atema nominations agidang Delhi aser Mumbai na yutsür iba yimti ang shima liasü.
Ahmedabad shimtsü atema Cuba, Poland Lebanon aser Turkey linüktemi pusema liasü.
Ahmedabad yimti nung nung Archeological Survey of India (ASI)-i kümzüka ayuba kiojen 26, ‘pols’ noklang aika aser Mahatma Gandhi dak sendakba tesem aika lir. Mahatma Gandhi iba yimti nung 1915 nungi 1930 küm tashi liasü.
Joko Ahmedabad yimti-a world heritage cities- Paris, Cairo aser Edinburgh yimtitem den densemogo.
Alima nung heritage cities ajak agi yimti 287 lir, aser Indian subcontinent nungibo yimti ana- Bhaktpur (Nepal) aser Galle (Sri Lanka) na dang liasü.
UNESCO-i tang Ahmedabad yimti shimba ajanga iba yimti nung tourism ajungkettsü.