Excise Dept-i temesepba chiyungtsü jenti puogo

Dimapur, August 21 (TYO): State Excise Department-i tanen makai state nung ozüng alema yi aser temesepba mozü shibelenba, bena aliba aser ayokba mita pudagi aser 2015 July ita Dimapur tesem balala nung District Staff, Narcotic Cell aser Mobile Squad-i mita aoba mapang temesepba yi aser mozü jenti puogo, ta tanü Dy. Commissioner of Excise (HQ) Dimapur, Lanuwati Jamir-i sangdong ka ajanga metetdaktsü.
July ita Dimapur Excise Dept-i temesepbatem apuba rongnung- yi case ajak agi 228, IMFL/Beer pongdang 6406, country liquor litre 203, Ganja seret 60, SP/Nitrogen mozü süngjang 2752, Opium touzük gram 10, mozü ken o 5 (okadak benokogo) aser sorkar senpong atema sen 5,05,500 agütsüogo.
Yi temzüng alema aibelenertem ajak anema NLPT Act 1989 kübok ken o benokogo aser merenshiogo, aser tarutsü nunga Dept-i maneni mita reprangtsü. Iba den külemi gari, hotel aser lounge tem maneni mita reprangtsü, anungji NLPT Act 1989 junga inyaktettsü asoshi nüburtemi Dept. nungita yaridaktsüner, ta kasa sangdong nungsa mepishia metetdaktsü.