Bhaichung Bhutia Premier Futsal nung shilem agitsü

July 13, 2017 (Agencies): Taoba mapang India nunger nüngtugu football asayar Bhaichung Bhutia Premier Futsal nung talent director ka ama shilem agitsü.
Taoba India nunger team captain lenisüba kübok Indian amateur talent hunt sentong akatsü.
“Premier Futsal League ya India nunger asoshi kanga tajangzük asütsü. Iba asayamong nung shilem ka agitsü asoshi maongka anguba atema kanga pelar,” ta Bhutia-i ashi.
“Bhaichung amala tongtibang nisung kati Premier Futsal nung shilem agitetba ya onok asoshi kanga konang lir,” ta Premier Futsal League, managing director Dinesh Raj-i ashi.
Arishi küm 40 tain Bhutia ya tang Indian football aser All Indian Football Federation nung shilem tagidak lir.
Kasa mapang nung Brazil nunger nüngtugu football asayar aser FIFA Ballon d’Or ngur alisang Ronaldinho-i asüng Mumbai semdangtsü aser pa India nung Premier Futsal nung shilem agitsü asoshi asadangtsü.