Sundar-i mezüngbuba medal nguogo

World Para Athletics Championships

London, July 15 (Agencies): 2017 IPC Para Athletics Championship nung Javelin tsüshishir Sundar Singh Gurjar-i India nunger atema mezüngbuba ngutetogo.
Sundar ya Rio nung 2016 küm asayadang technical tsütsü timtem kar aliba ajanga disqualify süa liasü, saka tang asaya nung Paralympic gold medallist Devendra Jhajharia maliba maongka agi pai iba asaya kokogo. Pa asaya aruba nung tang asaya nung tajungtiba javelin tsüteta liasü. Sundar-i javelin 60.36m atsü.
Iba asaya tembanger Sundar-i ashiba agi, “Ni Rio nung shilem magitetba atema kanga mepelai liasü kechiyong ni iba asayamong atema kanga temolung agüja renemshia liasü. Ni kanga tezüdanga liasü saka tang iba asaya akokba atema kanga pelar. World Championship atema kanga meranga training süogo saka Rio nung shilem agitsü atema renemshiba amabo masü asü.”
“Iba gold medal ngutetba ajanga iba sülen ano tali meranga inyaktsü asoshi tajungshiba ka agütsür. Maneni taruba küm Asian games nung tajungba asayatsü,” ta paisa ashi.
Javelin F46 event nung maneni arishi küm 18 tain Rinku-i kanga junga shilem agitet. Rinku ya Rohtak nungi lir aser pa Rio nung asayadang jenjang 5buba tongteta liasü aser tang asaya nung pai tajungba asayateta 4buba jenjang nung tembang. Pai javelin meter 55.12 tsütet aser India nunger atema tera agidang ano medal ka mekoktet.
Rinku ya GoSports Foundation-i nungita yarir aser pai pa asaya nung temolung asüba lemsatep.
Teburtem shot put F57 event nung külem GoSports Foundation athlete Virender Dhankar-i pezübuba jenjang tongteta liasü.