India nunger teburtemi ‘Vasectomy’ operation agitsü memelunger: Sorkar

New Delhi, July 21 (Agencies): Tanü Lok Sabha senden nung sorkari, India nunger teburtemi ‘vasectomy’ operation agitsü memelunger, ajisüaka kibong nung tanur agiba/abenba azüoktsü inyakyimji kanga ajungshia arudar, ta metetdaktsü.
2001 küm nütsüng yongsük züngdangba (census) nung ajemdaker asadangtetba agi, 2024 küm March ita tashi nungbo India nunger nütsüng billion 1.37 ajungtsü, ta Minister of State for Health, Anupriya Patel-i metetdaktsü.
Question Hour mapang nung lai, 1951 küm linük nung fertility rate ji tetsü ka shia tanur trok liasü, ajisüaka tangbo tetsü ka shia tanur 2.3 tashi ajema aluogo, ta metetdaktsü.
Family Planning atema linük nung teburtemi vasectomy operation agitsü kangabo memelunger, ajisüaka iba inyakyim atema parnok kanga ajungshia arudar, ta minister-isa metetdaktsü.
Question Hour mapang nungsa Minister, Patel-i, linük family planning programme nung teburtem nem tongtibang shilem agidaktsütsü atema teburtem kanga ajungshia arudar, ta ashi.
“National Population Policy 2000 nung ajemdaker 2045 küm tashi nungbo nütsüng tatakzük ka alitsü nükjidong yur inyaker,” ta lai ashi.
Patel-isa, sorkari health infrastructure aser human resources ulushiogo aser health service balala agütsütsü atema inyakdar, ta metetdaktsü.