Mizo Zirlai Pawl puri mapang telatetka makai longkaka aitsüba sentong agin

Aizwal, July 21 (Agencies): Mizo kaketshir tentet rongnung tongtiba Mizo Zirlai Pawl (MZP) puri Chakma kaketshirtem shinga Mizoram quota nungi medical college tem nung admission magidaktsütsü, ta state sorkar den tangatettep ka dangi aruba sülen mapang telatetka makai longkak aitsüba sentong yanglur aliba aginogo.
Parnok tsüngda telemtetba agiba nung Mizo nunger kaketshir parnok 11 medical college asem nung MBBS aser BDS tazüngi yoktsü aser teshimtetba purtem nem counseling agütsüba koba nung Chakma nunger kaketshir pezü densema liasü iba sentongjia anendaktsüogo, ta MZP sangdong ka ajanga metetdaktsü.
State sorkari medical college balala nung azüngtsü atema Chakma kaketshirtem nem counseling agütsüba magin nungbo MZP puri tanü nungi tenzüka state ajunga nung mapang telatet ka makai longkak aitsüba sentong yanglur liasü.
Yashi Aizwal nung police temi ajok aser teargas amshia longkak aitba sentong nung shilem agir kaketshirtem meindok aser iba mapang parnok aika yirua liasü.