Dimapur Red Cross-i tzümetsüng agi kongshir nem teyari agütsü

Dimapur, July 21 (TYO): Hokolbarnü Indian Red Cross Society, Dimapur District Branch-i Zeliangrong colony, Dimapur nung tzümetsüng agi kongshibapurtem nem jang bag 20 tenla agütsüogo, ta Indian Red Cross Society Dimapur District Branch, Vice-Chairman, Ajay Sethi-i metetdaktsü.
Tanü tenla agütsüba mapang nung Vice-Chairman Ajay Sethi aser Honorary Secretary, K K Paul na den züngsemtem Ajit Sethi, Kishore Das, village Chairman Heling Zeliang aser youth club züngsemtema liasü.
Tzünglu maneni sashia aruba ajanga July 18, 2017, Bodhbar anepongi tzümetsüng agi kibong noklang aika kongshia liasü.