Dimapur nung nisung 4 tsükset

Dimapur, July 22 (TYO): Honibar nikongdang 1:30 ako meta Chumukedima weekly bazaar anasa gari ka süngdong ka nung tsükoktsüba lendong nung gari nung mena alir nisung pezü tsüksetogo.
Tata Sumo gariji Dimapur tsütsüleni aludang iba lendongji ataloka gari anisang densema gari nung mena alir par pezüprong tsükset.
Iba lendong nung asürtemji arishi küm 32 Komol Sangma (gari anisang), Gogul Momin (26), Khekito (35) aser Neikope Rakho (35) nunger liasü ta jangjaogo, aser parnok ajakji Darogapathar, 2 ½ Mile, Dimapur nung telidak liasü.