GPRN-i Kaivuk asüba mangyimer

Dimapur, July 24 (TYO): Rokho village nungi asür, Santi Khaivukyah’er jabaso army number 44535/17, Lance Corporal Kaivuk Khaivukyah, Pangmi region, Eastern Nagalim nung ajungbena asüba atema NSCN/GPRN-i kanga mangyimer, ta NSCN/GPRN Ministry of Information & Publicity-i sangdong ka ajanga metetdaktsü.
July 20, 2017 nü pa duty nung alidang asü. Pa ya Naga Army nung General Field Training Head Quarters (GFTHQ) den attached süa liasü.
NSCN/GPRN-i asür nem akhüm agütsür aser asür kibong züngsemtem aser kinüngertem den tejashi aser mangyim lemsateper. Pa tanela tatem maka tesünep nung anisüngzükdakjangma ta sarasademtsür, ta kasa sangdong nungsa shia lir.