Know Your College (KYC) Portal tenzükogo

Kohima, July 24 (TYO): Mapang talangka nungi Ato kilonser, Narendra Modi-i inyaktsü bilema aliba “Know Your College (KYC)” portal tanü tenzükogo; iba portal ya kaketshirtemi websites balala mebushiaka window ka nungi dang shisaliok reju balala indang osang bushitsü atema lir, ta tanü ketdangsertem osang ka ajanga metetdaktsü.
July 21, 2017 nü University Grants Commission Secretary, Prof. Dr. Jaspal S.Sandhu-i “Know Your College (KYC)” portal tenzükba osang sangdonga liasü, aser iba mapang nung pai, KYC portal ajanga linük nung kaketshirtem aser tsüraburtemi shisaliok reju balala aser course balala indang osang melamela ngua telemtetba agitettsü, ta metetdaktsü.
Commission-isa shisaliok rejutem aser parnok den affiliate süa aliba rejutrem dang iba portal nung osang tejangja upload asütsü aser mapangshia update asütsü metetdaktsü.