ACS-i by-election atema metetdaktsür

Dimapur, July 24 (TYO): July 29, 2017 nü Kohima district nung 10-Northern Angami-I (ST) Assembly Constituency by-election agidang, iba telongtet nung sorkar office tem aser dokantem den establishments ajak shibangtsü tetuyuba agütsür, ta Additional Chief Secretary (Home), Temjen Toy, IAS-i sangdong ka nung metetdaktsüogo.
Iba constituency nung sorkar mapa inyaker ajak nem ‘paid holiday’ agütsütsü aser iba nung constituency adena orr aliba voter tem arua vote agütsütsü atema dena lir, ta sangdong nungsa shia lir.