World Food India 2017 indang Road Show alitsü

Dimapur, July 25 (TYO): Ministry of Food Processing Industries (MoFPI), Government of India-i November 3-5 , 2017 tashi World Food India 2017 ayongzüka amungtsü.
World Food India 2017 nung Nagaland nungi food processing sector asoshi maongka angutsü aser iba sentong atema jeli sentong ka ama MoFPI-i state balala nung road shows ayongzüka agitsü.
World Food India 2017 nung industry/State shilem agitsü ajungmesotsü atema aser sen rizüngtsü wadangtem metetdaktsütsü atema road shows ayonga agitsü, ta Department of Industries and Commerce-i sangdong ka nung metetdaktsü.
Nagaland nung ASSOCHAM-i MoFPI ketdangsüba kübok July 31, 2017 nü “Road Show World Food 2017 and SAMPADA-The Scheme” ayongzüka amungtsü. Iba sentong Niathu Resort nung nikongdang 2:00 ako nung tenzüktsü.
Road Show nung Ministry of Food Processing Industries, Government of India Joint Secretary, Ashok Kumar, IAS-i shilem agitsü, ta Department of Industries and Commerce-isa ashi.
Iba Road Show nung Ministries of Food Processing Industries-i tawa tasen tenzükba SAMPADA scheme atema startup/entrepreneurs nem osang metetdaktsütsü.
Iba sentong nung entrepreneurs, progressive farmers, banks, financial institutions aser sendaktepba aliba department tem ajak adentsü imlar, ta sangdong nungsa metetdaktsüogo.