NFHRCC-i sorkar dang pelar; Senden ayongzüker

Dimapur, August 22 (TYO) : Nagaland sorkari tang teyangludak Foot Hill Road atema CD nungi sen lemzüktsüba atema kanga pelar ta NFHRCC-i sangdong ka nung metetdaktsü.
Iba dak sendakba nung NFHRCC den bangdak department-i Doyang Bridge, Ao Sector aser Mon Sector nung mapa inyakba reprangdangi aotsü, ta NFHRCC sangdong ka nung shia lir.
Iba Joint verification agiba sülen ang bangdak ketdangsertemi Contractor nem sen tagütsütsü tim agütsütsü.
Tenemtsüng lenmang yangluba dak sendakba onüktem lemsateptsü atema NFHRCC-i August 26, 2015 nü lokti tentettem den senyur Yashitsungba Aier’er kidang anepdang 10:00 nungi senden ka alitsü ayongzüker. Anungji telok ajak arua adentsü mepishir, ta NFHRCC ketdangsertemisa sangdong nung metetdaktsü.