TR Zeliang-i Advisor with Cabinet status 9 aser Parliamentary Secretary 26 shimok

Kohima, July 25 (TYO): Nagaland Chief Minister T R Zeliang-i aniba sorkar nung Mongulbarnü Advisor aser Parliamentary Secretary tem shimokogo.
Mongulbar nikongdang State Banquet Hall nung TR Zeliang-i State Assembly Speaker Imtiwapang Aier lia Advisor with Cabinet status 9 aser Parliamentary Secretary 26 nem tenangzükba agidaktsü.
Tanü shimokertem züngsema TR Zeliang-i NPF MLA 36, BJP MLA 4 aser Independent MLA 7 tashi pai aniba ministry nung shimokogo.
Ajisüaka, pai Minister, Parliamentary Secretary aser Advisor shinga nema portfolio melemzüktsü.
Tanü Chief Secretary Pankaj Kumar-i Advisor aser Parliamentary Secretary tem tenangzükba agitsü atema tenüngji alphabetical order nung aja.
Sentong agiba sülen TR Zeliang-i osangbenertem den jembidang, taruba anogo ana-asemka tsüngda portfolio tem alemtsü ta ashi.
“Mapabo tera dang saka nisung talila lir, iba jagi portfolio kanga junga alemtsü atema mapang agir” ta paisa shisem.
NPF MLA 10 aser Independent MLA 1-i taoba Chief Minister aser NPF Party Tir Dr. Shurhozelie Liezietsu pusemba aser parnoki okadak par ministry anema ken o benokba atema TR Zeliang-i “parnoki ministry nung nisung shimokba nokdangtsü atema ken o benok saka okadaki ibaji magizük aser ken o ji July 31 nü angadangtsü atema anogo lemtet” ta ashi.
Parnoki benokba ken o nung tametdak kecha mali, kechiyong parnoki State Governor aser Assembly Speaker indang tashi anema nokdaker. Parnokisa sorkar tasen akümba maparen anena atatsü takhangba agütsü, anungji iba ken o ya magizüktsü imlar, ta paisa shisem.
“July 21 emergent session nung pa anema vote agütsürtem indang olen ka ashidang, “anti-defection law nung züngsem kari whip tashi mangara, disqualification asütsü ta shia lir. Speaker tsüngdang karidanga trial petition benokra, parnok disqualify asütsü” ta TR Zeliang-isa metetdaktsü.
NPF MLA 10 disqualify asütsü atema osangbeneri asüngdangdang, “ibaji kü den dena aliba MLA temi lemtetba nungdang keta lir. Ibaji NPF Legislature Party nung benoka jembitsü” ta Chief Minister-i langzü.
“Nagaland Assembly Anti-Defection rules nung petition ji anogo 15 sülen ang benoktsü akok ta lateta lir” ta paisa shisem.
Pa pusemba NPF MLA 36 nungi 31 tashi anentsüba aser züngdokba sülena parnok NPF MLA tem ta ashiba atema TR Zeliang-i “NPF MLA 36 prongla yashi senden ka amen aser idangji NPF Party Tir Dr Shurhozelie Liezietsu-i NPF Constitution den meputepi mapa inyak ta lemtet” ta metetdaktsü.
NPF Constitution nung notice mesüra warning agütsüba sülen telangzüba tajung mangu nungang Disciplinary Action Committee-i züngdoktsü mesüra anentsütsü atema shidangtsü akok ta lateta lir, saka tang parnoki inyakba nung Party Constitution alema inyak,
Pillai dak sendakba ken o atema TR Zeliang-isa “taoba sorkari iba atema enquiry commission ka tentetogo aser ibaji yakta tembangtsü” ta ashi.
Tanü tashi Pillai indang consultancy services anentsüba indang yimjak nung memetetdaktsüba atema osangbeneri asüngdangdang, “ni iba file ji ano mangu saka termination maparenbo tenzükogo, onoki ibaji agizüktsü. Onoki pa mapa inyaktsü memelatsü” ta TR Zeliang-i langzü.

ADVISORS TO THE GOVERNMENT:
1. CM Chang 2. Deo Nukhu 3. Naiba Konyak 4. Noke Wangnao
5. Nuklutoshi 6. Pukhayi Assumi 7. S. I. Jamir 8. S. Panyu Phom
9. Dr. T. M. Lotha
PARLIAMENTARY SECRETARIES:
1. Amenba Yaden 2. B.S. Nganglang 3. Dr. Benjongliba Aier 4. C. Apok Jamir 5. Eshak Konyak 6. Hukavi Zhimomi 7. Imtikumzuk 8. Khekaho Assumi 9. Er. Kropol Vitsu 10. L. Khumo 11. Er. Levi Rengma 12. Dr. Longrineken 13. Merentoshi I Jamir 14. M. Thomas Ngullie 15. Namri Nchang 16. Dr. Neiphrezo Keditsu 17. P. Paiwang Konyak 18. Picto Shohe 19. Pohwang Konyak 20. Shetoyi Sema 21. S. Chuba Longkumer 22. Tovihoto Ayemi 23. Toyang Changkong Chang 24. Vikho-o Yhoshü 25. Y. M. Yollow Konyak 26. Zhaleo Rio