US Company ka nung mapa inyaker tem dak chip ka Implant sütsütsü

July 26, 2017 (Agencies): US nung amenoker aliba tech company Three Square Market (32M) ajanga company nung mapa inyakertem dak parnok mang nung RFID chip ka implant asütsü asoshi option agütsür, koba ajanga maparen aika tayongba inyaktettsü asoshi teyari agütsütsü. Iba chip ya tasazük nung tsük janga ka den kasa lir aser iba ya teka nung temeyong jemtsüba aser pa den tatongtep temeyong na tsüngda tekep nung inoktsütsü aser iba ajanga company nung mapa inyakertemi kishi lapoktsüba, computer-i login asütsüba, copy machine amshitsüba amala maparen nung teyari agütsütsü. Iba chip nung “Near-Field Communication” (NFC) technology amshia yanglua lir koba contact-less credit cards aser mobile payment amala nung amshir.
“Onoki tarutsü nung RFID technology amshia mapa ajak inyaktsü imlar, koba nung office-break room market nung shishilembaba, kishi lapoktsüba, copy machin amshitsüba, computer-i log in asütsüba phone unlock asütsüba business card lemsateptsüba, medical/health information rizünga ayutsüba aser RFID terminal tanga nung payment asütsüba densema lir,” ta 32M, CEO Todd Westby-i blog nung post sütsü. “Tanem tanemi iba technology ajanga ajak melena aotsü aser iba ya shishilembaba nung aser nü passport ama amshitsü,” ta paisa shisem.
Iba sentong atema 32M aser Sweden nung amenoker aliba company BioHax International na longjemogo. August 1 nü company headquarters nung 32M inaugural “chip party” amongba mapang mapa company nung inyakertem dak iba chip ya inoktsütsü aser staff parnok 50-i pei molungka nung iba chip inoktsü imlar. Company nung mapa inyakertem shirnoki pei mang nung iba chip inoktsü asoshi memolunger, parnoki iba chip ya RFID wrist-band mesera ‘smart ring’ ka nung inoktsü asoshi option lir.