MDLSA & KDLSA-i workshop tem ayongzüka agi

Mon/Kohima, July 26 (TYO): July 26, 2017 nü Mon District Legal Services Authority (MDLSA)-i Panel Lawyers aser Para Legal Volunteers atema workshop ka ayongzüka agi.
Sentong nung Neiko Kanuo, District & Session Judge-i tesentepertem pela agizük aser Chairman MDLSA. Mannon Konyak, Panel Lawyer o Dominic Kaiba, Panel Lawyer nati Panel Lawyer ama ajangshia arubatem lemsatep aser külen Tngkai Konyak PLV, B. Phmsa Konyak PLV o Nyemin Konyak PLV nungertemi PLV ajangshibatem metetdaktsü.
Sentong nung mendenji Shenyou Walim, Panel Lawyer liasü.
Kasa anogo nung Kohima District Legal Services Authority (KDLSA)-ia Kohima Bar room nung Panel Lawyers & Para Legal Volunteers atema workshop ayongzüka agi.
Sentong nung Victo Sema, CJM Kohima & Secretary KDLSA-i PL o PLVs indang teinyaktsütem metetdaktsü aser loktiliba nung teküpok jenjang nung alirtem yariteptsü indang tesayuba kar agütsü.
Sentong nung Sunjib Rana, Panel Lawyer KDLSA-ia PL/PLVs indang onük tatsüka lemsatep aser Seto, PL KDLSA, Hesinlo, PL KDLSA, Apila Sngtam PL KDLSA, Kedovi PL KDLSA, Wapangienla, PL KDLSA o Anu, PLV nungertemi parnoki ajangshia arubatem indang metetdaktsü.
Iba sentong nung mendenji Nancy Lotha, Panel Lawyer KDLSA liasü.